كيف سأصدق رحيلك.!؟

---

(part(1
كيف سأكون قادر على أكمال حلمي رغم الذي حصل معي، ترى هل سأكون قادر على نسان ما سيحصل ل.؟(قصه واقعيه)...

_________________________________

مرحبا..

انا علي عمري18 سنه في السادس الاعدادي

أختي هدى بنفس عمري وفي نفس المرحله..

_________________________________

علي.. هدى يله امشي بابا رح يروح وانتي ماكو خلي نحجز مقاعد ترا بعدين نتورط..

هدى.. اي يله كملت بس دقائق..

طلعت ورحنه للمدرسه الاهليه نريد نسجل اليوم 5/27 ودوام مدرستنه يبدي يوم 6/4 بدينه من هسه نحظر اني واخي علي طبعا متحمسين كلش للبدايه وعدنه حلم ان شاء الله نحققه...

كملنه تسجيل بعد يومين رحنه اني وماما اشتريت صايه عريضه والشال ما شتريت لان من الدرسه لازم نشري لازم نفس اللون.. المدرسه كلش صعبيين وما يتهاونون وي الطلاب والي يخالف لو ما يحظر واجب ماعندهم مانع ينطوا الفايل ويكلوله بعد لاتجي..

________________________

اجه اليوم الي داومنه اني واختي
طبعا يوم كلش حلو مدرسين حبابين يتشاقون ويضحكون وخوش يفهمون..

________________________

هدى.. استاذ ممكن تعيد شرح نقطه2 مافهمته..

الاستاذ.. ليش بابا انتي ما منتبهه ليش هيج شنو هل عقل ووو....

طبعا الاستاذ ابد ما ينحجي ويا هو حباب ويضحك ويسولف بس اذا سألته بنيه على سؤال ياخذهه حاصل فاصل ف البنات محد تسأله ويخافن منه ضلن..

بس اني كلي اخوي علي معليج اسألي واذا ضل هيجي روحي للعميد وكليله شنو يرزل واذا مافهمتي موضوع كليلي اني هم اساعدج..

___________________________
ثاني يوم نفس الشيء اني هم بعد ما اهتمله وضليت اذا موضوع ما فاهمته اكول ل علي اخوي يفهمني...

___________________________

الاستاذ هو اختصاص فيزياء..

اجه اسبوع ما دخللنه

وراه اتفقنه اني وصديقاتي نروح نحاجي وكللي انتي روحي انتي والمراقبه رحنه..

هدى.. استاذ صارلك اسبوع ما تجينه

الاستاذ.. بابا لازم اطلع عندي شغل روحوا

هدى.. استاذ شنو شغل احنه اذا هيج رح نتأخر بالمواضيع

الاستاذ.. عندي شغل بالتربيه بابا مكدر اجيكم

هدى.. يله نور امشي التربيه اهم منعدنه

الاستاذ سمع. حسيته يمشي وراي ويراقبني وين ما أروح حاولت اضيع نفسي بين الطالبات وما كدرت

ثاني يوم اجه.

الاستاذ.. اكو طالبات يخطأن بحقي وحتن ما عرفن يتصلن عليه ويعتذرن..

هدى(اني كمت من مكاني)... استاذ شنو اتصل عليك شنو عرفه ورفه واتصل وثانيا اني ما خطأت بشيء احنه سادس ولازم نخصل منهج من وكت شنو عايفنه اسبوع هيج نتأخر بعدين بنهايه تركضون بينه..

فجأه كالو شعبه B5 نزلوا للشعب الجوه الفوك نريدهن يله نزلنه وكل البنات راحن للشعبه الا اني رحت للاداره طلبت من المعاونه الموبايل اتصلت على ماما..

الو..

الو ها هدى ماما خو ماكو شي..

لا ماما ماكو شي بس..(سولفتلهه السالفه

ماما.. شنو هذ تكابل وياج يا ربي شيريد..

هدى.. ماما هسه تدخل للشعبه لو لا

ماما. اي يا امي دخلي وكليله استاذ كنت بالحمامات.

دخلت وكتله استاذ كنت بالحمامات

لا مادخلين الا تجيبيلي ورقه من الاداره
اني انقهرت وطلعت رحت خابرت ماما وكتلهه..

ماما.. هسه رح اتصل على ابوج ويجي.

اني وديتله ورقه

الاستاذ.. هدى..

نعم استاذ

الكلام الي صار بابا اني ماقصدي عليج اقصد ع الكل. واسف اذا ضوجتج استريحي..

هدى.(الاستاذ حسيته صار زين وياي ويعاملني معامله حلوه دايما حت اذا انزل راسي يكلي هدى انتبهي ع درس بحيث حت البنات الي يخافن منه بدن يغارن مني

لمن صارت فرصه استدعوني عبالي الكه بابا بس ماكو..

كالوا استريحي هدى احنه منحب الاهل يدخلون هيج اشياء واحنه عدنه الطالب خط أحمر واستاذ حسين رح نحجي ويا..

المهم سولفتلهم كلشي بس اكو سالفه من بداية السنه ما سولفتهه لان حسيتهه مو زينه وخطيه لذلك. ماسولفتهه.

كال العميد.. طبعا هو قبل فتره لمن طلع لان جانوا يردون ينقلوا من المدرسه ف راح للتربيه هو ماعافكم بدون سبب والمنهج نكمه ان شاء الله وما نتعبكم ويانه وننطيكم حقكم بالمراجعه..

اني كلش انقهرت وطلعت..

ربي شمدريني لو ادري ما هيج سويت اووف سويت اني)-حجيت بكلبي-

مرت ايام وقربت فترات المراجعه..

كملنه دراسه اني واخوي علي ونمنه..

الصبح. كعدت وعلي نايم معرف شعجب حت وقت متأخر هو كل مره يكعدني ليش هل مره ماكو خاف عافني وراح للدوام

رحت لغرفته

علي.. علي. اكعد .. ضليت هواي اكعد بي وماكو رحت ل ماما اجتله وهم ماكو

________________________

يتبع..