قصة حب حزينة باللهجة الجزائرية

---

سلام.. انا شيماء يتيمة الاب والام لما ماتت ماما رحت عند خالتي كريمة عشت معاها وكانت تحبني كي ولادها واكثر ديكا الحاجة لمليحة ليا وبنتها نور كانت كي اختي نحبها وتحبني نلبسو كيما بعضانا... ماكنتش ڨاع حاسة بالفراغ في حياتي...

لمهم وصلت لقراية وكنت متمنية نطيح مع نور مع بعضانا فالكلاسة لكن مع الاسف هي بعيدة عليا..

لمهم رحنا نقراو جاز النهار اللول وفالنهار التاني دخلنا للقسم كنت مهبطة راسي وكي طلعتو شفت طفل زوييين دخل للكلاسة لبنات ڨاع قعدو يشوفو ليه مانكذبش يعني كان بوڨوص
كي خرجنا للراحة عديت قدامو قتو سلام ماردش وقلب وجهو غاضتني روحي خلااااه رحت نبكي حتى جات نور قاتلي واش بيك حكيتلها راحت ليه و هاوشاتو قتلو كيفاه ديرلها هك شفتيها يتيمة.... فالنهار التالي جا عندي وقالي اسمحيلي كنت مقلق سامحتو.... حكينا قالي اسمو محمد وبدينا نتقربو من بعضنا وانا بديت نحبو وحد النهار بعد المدرسة روحت للدار كالعادة قعدت هكا شوي منباعد عيطلي هو قالي مباعد نتلاقاو محتاجك قتلو انا اوك معليش... لبست ومكيجتلي نور وكلشي ورحت...

رحنا لراستورون تعشينا من باعد خرجنا درنا شوي ومباعد حكملي يدي وقالي شيماء بغيت نقلك حاجة راني نحبك من اول مرة شفتك حبيتك راكي ديتيلي عقلي تقبلي تكوني معايا ومايخصك والو نشالله قتلو انا تاني نحبك... كان علاقتنا ولا اروع وكانو يحسدونا كامل

لمهم فاتو ليام ... وحد النهار دارتلي الدوخة وراسي يوجع ماندري واش بيا شربت دوا تاع الراس مانفعش جازت ايامات قررت نروح للطبيب تما كانت صدمة حياتي كيما قالي انو المرض الخبيث خالتي ونور يبكيو وانا نصبر فيهم من تم بديت نعالج ومحمد دايما معايا كانت الضحة في فمي والدمعة في عيني وبدا شعري يتساقط حتى وحد النهار حسيت ماما تعيط من جيهة وبابا من جيهة وخالتي ونور ومحمد يبكيو وانا نبكي حتى نسمع في هاذيك تع دقات القلب تصوني....