مدح

يا صاحبي ما شفت مثلك بها الناس فيك الوفا والوقت شح الوفا فيه انت الذي لين اظلم الليل نبراس ولا جارت كروب الدهر صحت اناديه وانت الذي بين الذهب خاتم الماس غالي الثمن عندي ولا احد يوازيه

سر يا قلم واكتب الابيات منقوشه بيوت شعر تشرفني معانيها للصاحب اللي يمد الطيب وينوشه من روس قوم علي العليا مبانيها رفقة شرف ماهي بالتلفيق مغشوشه يسمع بها قاصي العرب ودانيها

أخفيك بالقلب وأنت في العين بادي اللي يناظر عيوني يلقى غلاك فيها

جعل الردي والنذل والاش يفداك حتى الكفو يفداك ياتاج راسي

طالت الغيبات يا غالي علينا وان تحريتك فهذا من غلاك لو يطول البعد والله ماسلينا المشاعر همها لحظة لقاك يا كريم النفس مثلك مالقينا لك معزة زادها عندي وفاك ليت قربك يا هنا العمر بيدينا واتبعك كني ظلال من وراك

إن مدحنــــا فيك .. ماجبنا جديـــــــــد .. أنت طيبك قبل نمدح مادحـــك

هني من عاشر من الناس شرواك في ذمتي يعيش والراس مرفوع تبقى عزيز وتعجبني مزاياك ياللي بيمناك اجزل الطيب مطبوع عسى البلاوي والمصايب تعداك تصيب ناس عنهم الطيب مقطوع

لطيب اصلك ما شريته بالاثما ن متسلسل من نبع ناسن عزيزين الطيب ساسك وانت للطيب ديوان قولن صحيح ولا يبيله براهين لبست من طيبك على الراس تيجان تاجن قوي ولا تهزه سلاطين

ماني من الي ينحني بالسهوله.. لي هامة يخضع لها العز ويلين..!

الطيب اصلك ما شريته بالاثما ن متسلسل من نبع ناسن عزيزين الطيب ساسك وانت للطيب ديوان قولن صحيح ولا يبيله براهين لبست من طيبك على الراس تيجان تاجن قوي ولا تهزه سلاطين

ابيك تدري صوتك العذب لاغاب ....احس نفسي تنكسر من غيابه كذا غيابك للحزن يفتح ابواب.... غصب علي البس شقاه وثيابه ادمنت صوتك وأن تثيقلت كذاب .... من يعشقك لاغبت يفقد صوابه

حلفت باللي غيب الشمس مناك .. والصبح بأمر تظهر الشمس منا . . إن أسعد الأيام شوفك ولقياك . . وإن أقشر الأيام لاغبت عنا . . ودك تلاقيني وودي بلقياك . . لكن ظروف الوقت ما ساعدنا . .

يفداك من شافك على مر الايام ياتاج راسي في ليال الشدايد إن رحت زارتني هواجيس وأوهام وإن جيت راح الهم عني بدايد وإن زرتني بالطيف والا بالأحلام كتبت فيك اجمل حروف وقصايد