وداع وفراق

سمعت باليتيم اللي قدام عينة تموت امة يناظر ولا يقدر يبرر دمعت الشفقان يصرخ خذي روحي بس خليك يايمة وتموت ويعاني مع الذكري الم واحزان كان احساسي احساسة وما همني همة هو القدر اخذ امة وانا فاقد اعز انسان

بعد الخيانة انتهت رغبتي فيك وان كنت تذكرنا ترنا نسيناك يشهد على الله لاحل طاريك يروق قلبي لكن اذكر سواياك

العالم المجهول ” وش دخلك فيه …؟؟ ردي !! ترى ماني للأشواق “” تمثال “” .. دامني (بقايا انسان) ليه اشتريتيه ؟؟!! ودامني (طفل) من علمك !! “” عشق الأطفال “”

تبى تمشى معى هيا تبى تترك غرامى روح اذا انك ناوي الفرقا اكيد درب الهوى مفتوح ماراح ازعل اذا تقوى تهاجر فابتعد مسموح ماراح ابكى ولا ازعل ماراح اقول لك تكفى وما راح اعتب واقولك كيف بى تقدر

وصلك مثل غيم الربيع استخيله وانا على باب المحبة رجاوي حاولت قربك ما لقيت الوسيله انا اشهد اني بالمحبة شقاوي مالي على ما يجري اليوم حيلة ولاني على بعد المحبين قاوي

قبل نتفارق سطرتلك يميني آخر رسالة حب أودعك فيها .. هذا قدرنا بالهوى صدقني الايام ماتمشي على مانبيها ودعتك الله وإن قسيييت أعذرني وعيوبي اللي تعرفها..استرها وان كان عذبتك معي سامحني وانسى ذنوبي واغفرها

ماكنت أظنك ياهوى البال خداع حتى وضح ما كان خافي كنينك . ياصاحبي ما دام سر الهوى باع ابعد عسى الأيام عقبي تهينك.

معاد باقي عندي اعذار . مدام صار الوقت هجر وقطاعه . شربت من جور الزمن خمس أنهار .. حزن ووفرح ووحلم وخيال وقناعه.. وبيني وبين الحظ . غربيه ومشوار .. هي سنه وفراااح دنياي ساعه

عجزت اضحك على نفسى واقول انى تناسيتك عجزت القى مع غيرك غرام عنك يلهينى

تذكر صاحبك وارجع تقرب له ولو بالصوت على آخر نفس واقف تجي ولا يجيه الموت واشوف الموت احرص منك واشوف انك تبيه يموت اخاف انك بعد موته تحن وتفتح التابوت اخاف من القهر تزعل وتبكي يوم فات الفوت

من يوم ما ذوقتني فرقاك والحزن في حياتي غرستة،، شريت لي ثوب علشان لقياك راحت موضته ومالبسته،، شريت لي عطر مازهاني بلياك له سنين بعلبته مالمسته

لا صد عنك من توده وجافاك خله وجازه بلجفا مثل صده خلك عزيز النفس والعز مأواك وكلن عطه تفصيل ثوبه بقده خص الرفيق اللي اذا جيت حياك وان غبت ياصلك بالموده

اخطيت في البعد كيف اخطيت اخطيت يا قرة اعياني افرض ولو كنت انا زليت تبعد وتصبح علي جاني يا غاية القلب ما حسيت ما شفت همي واحزاني ما شفت حالي كيف امسيت ما شفت دمعي على اوجاني