نكت سودانية

قالوا فى جماعة بحفروا فى المقابر وعنقريب الجنازة جنبهم قاليك جا واحد مارى وقال ياجماعة انشا الله خير بتحفروا مالكم.. الرباطابى رد عليهو: قال ليهو خير .. بس بنطلع فى صارقيل...

مرة سوداني ومحشش وقعوا من الطيارة المحشش مات والسوداني ما مات سألوه ليش ؟ قلن هذا واهد هومار أنا أقله أربط مضلة وهو يقلي مافي مطر...

ﻣﺮﺓ ﻭﺍﺣﺪ ﻣﺴﻄﻮﻝ ﻗﺎﻋﺪ ﺟﻨﺐ ﻣﻮﻳﺔ ﺍﻟﻤﻄﺮﺓ ﻭﻣﺒﺴﻮﻁ ﺟﺪﺍ ﻣﻦ ﻣﻨﻈﺮ ﺍﻟﻤﻮﻳﺔ ﺍﻟﻜﺘﻴﺮﺓ , ﻗﺎﻡ ﺟﺎﺀ ﻭﺍﺣﺪ ﺭﺍﻛﺐ ﻋﺮﺑﻴﺔ ﻋﺎﻭﺯ ﻳﻌﺪﻱ ﻓﻲ ﺍﻟﻤﻮﻳﺔ ﻭﺧﺎﻳﻒ ﻭﺳﺄﻝ ﺍﻟﻤﺴﻄﻮﻝ ﻫﻞ ﻣﻤﻜﻦ ﺃﻋﺪﻱ ؟ ﻭﺭﺩ ﻋﻠﻴﻪ ﺍﻟﻤﺴﻄﻮﻝ ﻃﺒﻌﺎ ﻣﺎﻓﻲ ﻣﺸﻜﻠﺔ . ﻭﻟﻤﺎ ﻣﺸﻰ ﺷﻮﻳﻪ ﺍﻟﻌﺮﺑﻴﺔ ﻏﺮﻗﺖ ﻭﻃﻠﻊ ﻣﻨﻬﺎ ﺍﻟﺴﻮﺍﻕ ﺯﻋﻼﻥ ﻣﻦ ﺍﻟﻤﺴﻄﻮﻝ ﻭﻗﺎﻝ ﻟﻴﻬﻮ ﻣﺎﻗﻠﺖ ﻣﺎﻓﻲ ﻣﺸﻜﻠﺔ , ﺭﺩ ﻋﻠﻴﻪ ﺍﻟﻤﺴﻄﻮﻝ ﻭﺍﻟﻠﻪ ﺣﺴﻲ ﺩﻱ ﺟﺎﺕ ﺑﻄﺔ ﻣﺸﺖ ﻋﺪﻳﻞ...

قالوا واحد سافر لابوحمد واول ما نزل من القطر لقى شافع رباطابي بيببع في ليمون قام قال ليهو: يا ولد ليمونك ده فيهو موية قام الشافع رد عليهو بسرعة: نان قالولك ساقنو بالتيمم...

رباطابي جاء الخرطوم لحضور زواج وكان متوقع في العشاء مالذ وطاب من الصواني الكبيرة زي مابيحصل في البلد المهم وقت العشاء عمك جابو ليهو صحن ورق وحاجة باردة وبعد ما اكل لمو منو صحانة الورق .. الرباطابي قال ليهم العرس زي امتحان الشهادة جابو الورق ولمو الورق...

قالوا في واحد زار صاحبا ليهو بعد غياب 20 سنة فالصاحب اخده معاهوا البيت عشان يتغدى ويعرفوا على المدام والاولاد المهم وصلوا البيت واول ما المدام هلت شبكها تعالى حبيبتى اعرفك على فلان ...بعد شوية ياحياتى ممكن تحضرى الغداء..وبعديها يا روحى ممكن الشاى.....!!! يازول صاحبه انبهر وقال ليهو ماشاءالله 17 سنه زواج ولسة بتقول يا روحى وياحياتى...!! قال ليهو ابدا والله ..كل الحكاية انه المده طالت ونسيت اسمها منو...

سألوا سوداني: أيش يعجبك في قصص الأنبياء والصالحين؟ قال: والله كلها عبر وحكم .. وبالزات قصة أسيادنا أهل الكهف يا سلام عليهم... كبسوها نومة تلاتمية سنة...

واحد مسطووووول كلو ما يلمس مكان في جسمو يوجعو مشا للدكتور لقا اصبعو مكسور...

واحد مسطول سالوه قالو لي لو عندك جنيه وداير تصل القمر تعمل شنو قال بنبز نافع بوديني ورا الشمس وبركب لي ركشه بي جنيه بصل...

كوز لقوهو مكتول وما عرفو الكتلو العسكرى كتب تقيد الجريمة الى فاعل خير...

سوداني يشكي همومه الى صديقه قائلا: السوداني فينا زاتو تعيس ما زي اللبناني في النهار يركب همر و في الليل يركب قمر الا السوداني في النهار يركب كورولا و في الليل يركب غوريلا...

قالو في مسطول مرتو ماتت اهلها قالو ليهو خلاص نديك اختها قال ليهم انتو نسابه ولا شركه تامين...

واحد طلب من مسطول سيجارة عيدية فى عيد الفطر المسطول قال ليهو السجارة كان بدوها عيدية كان ختوها في علبة الحلاوة...