نكت سودانية

مسطول عاملين معاهو لقاء تلفزيوني سألوهو : اسباب السخانة الفي البلد دي شنو قال ليهم دا كلو من مشجعين الكورة شابكننا سودانا فوق،، فوق ، فوق لمن قربنا نصل الشمس...

الأول: هل تعرف بيتهوفن ... الثاني: وهل أعرف هوفن عشان أعرف بيته كمان ؟؟...

شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد...

قال ليك في في جعلي وشايقي راكبين المواصلات بعدين الجعلي متضايق من الشايقي ضيق شديد خلاص، الكمساري بنبه في الركاب قال: محظة الدايات في زول نازل؟ الشيقي قال ليو ايوه نازل ، الجعلي عاين ليهو كدا وحمر ليهو قال ليهو : في زمتك دي محطة ينزل فيها راجل.....

عسكرى مرور سوداني لقي بيتو ضيق عملو اتجاه واحد...

في مسطول امو عيانه مشي يجيب ليها الدواء لمن رجع لقاها ماتت قال ليها : دي حركه سخيفه منك...

سوداني مبرشم بورقة لما دخل الإختبار جاه نفس السؤال اللي مبرشمه لصق البرشام مكان الإجابة...

طالب في المدرسة ابوه وعده عشان يضبح ليهو خروف لو نجح فى الامتحان وجاء يوم توزيع الشهادات ...و لما رجع الطالب للبيت ..ابوه ساله ها...بشر؟؟قال : الله وسبحانه وتعالى كتب للخروف عمر جديد...

سوداني سوى حادث وانشل .. زاروه جماعته يباركون له بالشلل!! قالو له: حظك يازول الحين طول الوقت مرتاح ! قالهم: والله انا زاتي ما مصدق اخاف من الفرحة اقيف...

شايقيه قالت لي امها : راجلي اتاخر خايفه يكون عرس علي قال ليها يابت اتفائلي خير يمكن طقشتو عربيه...

فقير مريض قصد الطبيب سأله بعد الفحص:....شنو مرضى؟؟رد الطبيب وقال ليهو :فقر الدم ..!! رد المريض وقال:هو لحقنى لحد هنا كمان؟؟...

في محشش سوداني وقفوه الشرطة:وش جنسيتك؟ قال: لبناني مظلل!!...

قالوا رباطابي ولده أتفلق في راسه .. وكان الوقت ليل ساقو وراح العيادة الدكتور عاين ليه كده وقال ليه: كان تجي بدري شوية ياحاج .. الرباطابي قال ليه: بدري متين قبل مايتفلق...